Abagore babiri bafunzwe nyuma y'aho umugabo abateye amata yo mu gakombe(yoghurt/yaourt), kubera bagaragaye batitwikiriye.
Muri videwo yazungurutse cyane,yerekana aba bagore bari mu iduka, bategereje ko umukozi waryo abakira. Nibwo uyu mugabo yaje kubegera hanyuma atangira kubabwira nabi
Uyu mugabo agaragara yegera aba bagore babiri bari binjiye muri iryo duka guhaha, atangira kuvugana nabo.
Arangije kubavugisha abatuka, yafashe agakombe k'amata akabasuka ku mitwe. Ushinzwe umutekano muri iryo duka yahise amusohora.
Urwego rw'ubutabera rwa Irani ruvuga ko abo bagore babiri bahise bafungwa kubera berekanye imisatsi yabo, iki kikaba ari icyaha gihanwa n'amategeko muri Irani.
Ruvuga kandi ko uyu mugabo na we yahise afungwa kubera guteza umutekano muke.
Ifungwa ry'aba bagore ribaye nyuma y'amezi yaranzwe n'imyigaragambyo mu gihugu, aho abari muri yo basabaga ko itegeko ritegeka abagore kwitwikira ryavanwaho.
BBC
