Perezida Donald Trump wa USA yatangaje ko ntacyo kuvuga afite kuri mukeba we Donald Trump bashobora guhangana mu matora ataha.
Ibiro bya perezida w'Amerika bizwi nka White House ntibyagize icyo bitangaza ku bivugwa ko Joe Biden arimo gushaka uburyo bwo guca intege Trump, kugira ngo atazamutsinda mu matora ya perezida muri Amerika bashobora kuzahanganamo.
Mu mashusho yashyizwe ahagaragara na Sky news, Biden yabajijwe n'abanyamakuru icyo avuga kuri Trump avuga ko ntacyo yabivugaho. Ati" Ntacyo mfite cyo kuvuga kuri Trump."
Donald Trump wahoze ari perezida wa Amerika mu cyumweru gitaha azagezwa mu rukiko aregwa kwishyura umukinnyi wa 'porn' ngo aceceke mbere gato y'amatora ya perezida ya 2016.
Ibirambuye kuri iki kirego kuri we ntabwo biratangazwa.
Inteko y'abacamanza yatoye yemeza ko Trump agezwa mu rukiko nyuma yo guperereza ku buryo yishyuye $130,000 (arenga miliyoni 140 Frw) umukinnyi wa porn witwa Stormy Daniels kugira ngo adatangaza ibivugwa ko bagiranye 'umubano w'ibanga'.
Trump w'imyaka 76, ahakana ko hari ikibi yakoze. Niwe perezida wa mbere cyangwa uwahoze ari perezida wa Amerika, ugiye kuregwa mu rubanza rw'inshinjabyaha.
Ibiro by'umushinjacyaha wa Manhattan, Alvin Bragg, bimaze igihe bikora iperereza, byemeje ko byaganiriye n'abunganizi ba Trump ngo bumvikane 'uko yakwishyikiriza ubucamanza'.
Trump, utuye muri leta ya Florida, biteganyijwe ko ajya i New York kuwa mbere maze kuwa kabiri akagezwa imbere y'urukiko, nk'uko abantu babiri bazi iby'uru rubanza babibwiye CBS News, ifatanya na BBC muri Amerika.
Mu rukiko, Trump azasomerwa ibyo aregwa mu nyandiko, igikorwa kizamara iminota hagati ya 10 na 15.
Urwego rw'ibanga rwa Amerika rushinzwe kurinda abahoze n'abaperezida bariho ba Amerika â€" nirwo ruzaba rushinzwe umutekano kuri urwo rukiko.
Mu 2016, Stormy Daniels yavuganye n'ibitangazamakuru abibwira ko afite inkuru agurisha y'imibonano mpuzabitsina yagiranye na Donald Trump mu 2006 â€" umwaka umwe nyuma y'uko ashakanye n'umugore we, Melania.
Ikipe ya Trump yahise ibyitaho, umunyamategeko we Michael Cohen yishyura Daniels $130,000 ngo aceceke. Ibi ntibyemewe n'amategeko.
Gusa, ubwo Trump yasubizaga ayo mafaranga umunyamategeko we, iyo nyandiko yabyo yayiswe ubwishyu bw'akazi k'ubwunganizi mu mategeko. Abashinjacyaha bavuga ko ibi ari inyandiko mpimbano ya Trump, nabyo bikaba ari icyaha gihanirwa muri New York.
BBC
