Ku munsi wejo hashize kuwa mbere, Perezida wa APR FC Lt.Gen. Mubarakh Muganga yaganirije abakinnyi b'iyi kipe agira ibyo abibutsa ndetse anenga abakinnyi bamwe na bamwe bakomeye biraye kandi afite ubushobozi bwo kubiruka akazana abandi.
Uyu muyobozi yaje ubona ko yarakaye cyane, ababwira ko uko bitwaye kuri Gasogi United bitamushimishije kandi ngo barabizeye ariko ikizere kirimo kugenda kitakara kubera uko barimo kwitwara bidashimishije.
Uyu muyobozi muri iyi nama yagiranye n'abakinnyi ndetse n'abatoza hamwe n'abandi bafatanyije kuyobora iyi kipe y'ingabo z'igihugu, yaje gutegeka ko agahimbazamusyi bari bategenyirije kugabanya abakinnyi bose bagaragaye kuri uyu mukino bayagabanya abakinnyi 3 gusa ngo kuko nibo yemera bagaragaza ko ari abakinnyi ba APR FC.
Amakuru twakuye kubitabiriye iyi nama, uyu muyobozi yabwiye abashinzwe gutanga amafaranga ko bafata agahimbazamusyi kose bari buhe abakinnyi bose, agahabwa abakinnyi barimo Ishimwe Jean Pierre, Bizimana Yanick ndetse na Yunusu ngo nibo bakoranye imbaraga zose kuri uyu mukino.
Uyu mukino wateje impagarara mu ikipe ya APR FC warangiye ikipe ya APR FC inganyije na Gasogi United ubusa ku busa bihita bituma inganya amanota na Kiyovu Sports imeze neza muri iyi minsi.
