Ikipe ya Rayon Sports yanyagiwe na Police FC ibitego 4-2 bituma itakaza amahirwe yo kwiruka inyuma ya APR FC bari bahanganye.
Shampiyona y'umupira w'amaguru mu Rwanda yakomeje hakinwa umunsi wa 25 utahiriye Rayon Sports yari yakiriye Police FC I Muhanga.
Ku munota wa 15,Danny Usengimana yatsindiye Police FC igitego cya Mbere gusa cyahise cyishyurwa na Paul Ooko Were ku munota wa 23.
Ku munota wa 25 w'umukino, Police FC yabonye Penaliti yinjijwe neza na Hakizimana Muhadjiri.
Rayon Sports ntiyatinze mu mwenda kuko yahise yishyura ibifashijwemo na Moussa Essenu ku munota wa 27.Igice cya mbere cyarangiye amakipe yombi anganya ibitego 2-2.
Mu gice cya kabiri ibintu byabaye bibi kuri Rayon Sports kuko umukino ujya kurangira kuko ulku munota wa 82 yatsinzwe igitego cya gatatu na Ntirushwa Aimée.
Ku munota wa Kabiri kuri 90 yongeweho, Kayitaba Jean Bosco yatsindiye Police FC igitego cya Kane, umukino urangira utyo.
Mu wundi mukino wabaye kuri uyu wa Gatandatu,AS Kigali yatsinze1-0 Mukura VS
Cyatsinzwe na Juma Lawrence Ku munota wa 75.
Rayon Sports yari ifite amahirwe yo gutsinda uyu mukino ubundi igahita ifata APR FC ya mbere izakina umukino wayo na Bugesera uzaba ejo.
Uko imikino yose yagenze:
Rayon Sports 2-4 Police FC
AS Kigali 1-0 MUKURA VS
Marines 4-1 Musanze FC
Imikino yo Ku Cyumweru tariki ya 2 Mata 2023
APR FC vs Bugesera FC
Etincelles FC vs Gasogi United
Espoir FC vs Kiyovu Sports
Urutonde:
1. APR FC 49 Pts (-1)
2. Kiyovu Sports 47 Pts (-1)
3. Rayon Sports 46 Pts
4. AS KIGALI 42 Pts
5. Police FC 39 Pts
