Uyu yabyemereye u Bushinjacyaha Bukuru bwa Gisirikare i Kananga , kuri wa Gatanu w'icyumweru dusoje , aho yaburaniraga muri Kasai Central muri Repubulika ya Demokarasi ya Congo.
'Mu gihe cy'ibazwa, Bwana Kazumba Luaba, uzwi ku izina rya' Lance-roquette ', yemeye icyaha, avuga ko ari we warashe izo mpuguke zombi, nyuma agaca umutwe w'umwe mu bahohotewe, mbere yo kuwutwara, kugira ngo awumurikire abategetse iki cyaha gisuzuguritse ', ibi ni ibikubiye mu itangazo rya Komisiyo y'Igihugu y'Uburenganzira bwa Muntu (CNDH), ryashyizweho umukono na Perezida wayo, Paul Nsapu, ryoherejwee kuBiro Ntramakuru bya Congo (ACP) ku wa Gatandatu.
CNDH, binyujijwe kuri perezida wayo, yitabiriye ku ya 21 Mata 2023 saa yine n'iminota 15, ku butumire bw'Umushinjacyaha Mukuru wa gisirikare ibazwa rya Kazumba Luaba, uzwi ku izina rya "Lancer-rocket", w'imyaka 26, ukekwaho kuba ari we wagize uruhare mu iyicwa rya Michael J. Sharp na Zaida Catalan, impuguke z'Umuryango w'Abibumbye ", nk'uko byatangajwe mu itangazo rigenewe abanyamakuru.
CNDH, mu gihe ishishikarizaga ubutabera bwa gisirikare gukomeza urubanza rwatangijwe ku bwicanyi bubiri bwakorewe impuguke z'Umuryango w'Abibumbye, yasabye ko hazirikanwa n'imibereho y'ukekwaho icyaha muri gereza.
Ni ubwicanyi bwabaye ku itariki ya 12 Werurwe 2017, mu gihe bari barimo gukora iperereza ku bwicanyi bukabije bw'abaturage bo mu gace ka Kasai, bwatangijwe n'umutwe w'inyeshyamba za Kamuina Nsapu.
Ubu bwicanyi bwa KamuinaNsapu bwateje impfu zirenga 3.500, nk'uko abepiskopi gatolika bo muri Congo babitangaza, bituma abaturage ba Kasai ibihumbi bahungira muri Angola.
Aba baturage bahungiye muri Angola nabo bahuye n'ingamba zikomeye zo kurwanya abimukira za Guverinoma ya Angola, aho uyu munsi birukanwa hakoreshejwe ingufu za gisirikare, basubizwa muri Repubulika ya Demokarasi ya Congo, igihugu bakomokamo, cyane cyane banyuze mu mujyi wa Kamako, wo ku mupaka uherereye ku birometero bike uvuye i Tshikapa, Intara ya Kasaï.
