Sadio Mane, Umunya-Senegale ukinira ikipe ya Bayern Munich nka rutahizamu hari amakuru avuga ko mu mpeshyi ashobora kuzakurwa muri iyo kipe nyuma y'imyitwarire mibi ndetse no kudahuza n'imikinire y'umutoza mushya w'iyo kipe.
Mu ijoro ryo kuwa Kabiri icyumweru gishize, ikipe ya Manchester City yakiriye Bayern Munich, iyitsinda ibitego bitatu ku busa mu mukino ubanza wa ¼ muri Champions League. Muri uwo mukino nibwo Sadio Mane yatonganye na Leroy Sane, ubwo bari bageze mu rwambariro Mane yegereye Sane amukubita igipfunsi binamuviramo gukomereka ku munwa.
Sadio Mane nyuma yo kurwana na Leroy Sane, ikipe ya Bayern Munich yamuhanisije kumuhagarika umukino umwe, bahuye na Hoffeneim mu mpera z'icyumweru ndetse banamuca amafaranga agera ku bihumbi 300 by'amayero.
Ibinyamakuru bitandukanye byatangiye kwandika ko , Bayern Munich irigukora uko ishoboye ngo Sadio Mane azave Allianz Arena mu mpeshyi itaha, kuko ngo imikinire ye itajyane n'uburyo Thomas Tuchel uherutse guhabwa akazi ko gutoza , atoza.
Mane yageze muri Bayern Munich mpeshyi y'umwaka ushize avuye muri Liverpool ku gaciro ka miliyoni 32 z'amapawundi, kuva yahagera amaze gukina imikino 32 yatsinzemo ibitego 11.
Source : https://yegob.rw/sadio-mane-mu-nzira-zimusohora-muri-bayern-munich/
