Mu kwezi kwa Kamena hagati, ubwo ni tariki 17 kugera tariki 23 Kamena 2023, muri Tanzania hazaba hari kubera imikino yo gushaka itike y'Igikombe cya Afurika cy'abakina imbere ku mugabane (FIBA Afro-CAN Qualifiers), aho u Rwanda rwahamagaye abakinnyi 20 bagomba gutangira umwiherero ku buryo bwimbitse.Â
Abakinnyi bahamagawe: Ntore Habimana, William Robeyns, Turatsinze Olivier, Vandriessche Pierre Thierry, Nshobozwabyosenumukiza Jean Jacques Wilson, Uwitonze Justin, Gasana Kenneth, Nshizirungu Patrick, Kazeneza Emile Galois;
Hagumintwari Steven, Ndizeye Ndayisaba Dieudonné, Axel Mpoyo, Manzi Dan, Dick Sano Rutatika, Furaha Cadeaux de Dieu, Shema Osborn, Kendall Gray, Ngoga Elias, Ntwali Marius Tresor na Ngabonziza Patrick.
Aya majonjora y'Akarere ka gatatu, azitabirwa n'ibihugu birimo, u Burundi, Djibouti, Misiri, Ethiopie, Kenya, Rwanda, Somalia, Sudani y'Epfo na Tanzania izakira amarushanwa.
Iri rushanwa ryaherukaga kuba mu 2019, aho ryegukanywe na Repuburika Iharanira Demokarasi ya Congo itsinze Kenya ku mukino wa nyuma.
Muri iri rushanwa, abakinnyi babiri gusa badakina ku Mugabane wa Afurika ni bo ikipe yemerewe gukoresha mu gihe abandi 10 bagomba kuba ari ho bakina.
Ikipe y'igihugu ya Basketball igiye gushakira ibyishimo abanyarwanda, nyuma yaho ikipe ya REG BBC yari ihagarariye u Rwanda muri BAL yasezerewe itarenze umutaruÂ
Bagomba guhangana n'amakipe yo muri aka Karere n'ubwo haba harimo adakomeye
