Ni album yihariye mu rugendo rw'umuziki w'aba baramyi, nyuma yo gushyira hanze indirimbo zakomeje izina ryabo nka 'Mpa amavuta' yabaciriye inzira ari nayo nayo bitiriye Album yabo ya mbere bamurikiye mu gitaramo cy'amateka muri BK Arena.
Album ya gatatu bise "Ibyiringiro" ntisanzwe kuko igiye hanze mu gihe bari kwitegura gukora igitaramo bazahurizamo abantu 1000, kizaba ku wa 2 Kamena 2023, muri Kigali Convention Center.
Iyi album yabo ya gatatu iriho indirimbo iri mu rurimi rw'Icyongereza n'indirimbo ebyiri ziri mu rurimi rw'Igiswahili. Ni ubwa mbere basohoye indirimbo ziri mu Giswahili, kuva batangira gufasha abantu kwegerana n'Imana.
Indirimbo yabo bise 'Narakikijwe' ni yo bashyize mu Giswahili ndetse n'indirimbo 'Umwami ni Mwiza Pe' bakoranye n'itsinda rya True Promises, nayo bayiririmbye mu rurimi rw'Igiswahili bayikubira kuri iyi album.
Mu ndirimbo yabo bise 'Ibyiringiro', baririmba bavuga uburyo 'Kristo ari we ntwari y'ubuzima bwa buri wese, akaba 'ubwihisho'. Daniella atangira iyi ndirimbo aririmba avuga uburyo uwizera uwo mwana w'intama ntagikozwe n'isoni.
Mu ndirimbo 'Ku bw'umusaraba' baririmba bavuga uburyo umusaraba wacunguye benshi. Bati "Ku bw'umusaraba wa Kristo, na ya maraso y'igiciro, uwari imbohe narabohowe, ubu ndi amahoro...".
Mu ndirimbo 'Mu gitabo' baririmba ku muntu wumvaga ko ubuzima bwe bugeze ku iherezo, ariko Imana yihuse cyane imuzanira ubugingo bw'iteka.
James na Daniella baherutse gutaramira mu Burundi, bwari ubwa mbere bataramiye muri iki gihugu, kuva mu myaka itatu (3) ishize bakwinjira mu bahanzi bo mu Rwanda bakora indirimbo ziha Imana ikuzo.
Muri iyo myaka itatu ishize, iri tsinda ryakoze ibihangano byomora imitima ya benshi kandi bigasubiza intege mu bugingo.
Kuva ku ndirimbo 'Mpa amavuta' yabaye ikita rusange mu rugendo rwabo rw'umuziki, kugeza ku ndirimbo 'Yongeye guca akanzu' bakoranye na Israel Mbonyi, bafatwa nka nimero ya mbere mu bashakanye bakora uyu muziki w'ivugabutumwa.
Iyi ndirimbo yabo 'Mpa amavuta' yarakunzwe mu buryo bukomeye, kugeza ubwo banayitiriye igitaramo cyabo cya mbere bakoze ku wa 1 Werurwe 2020 muri BK Arena.
Iri tsinda muri Kamena 2022 ryakoreye ibitaramo mu Bubiligi, bahuriyemo n'abarimo Fortran Bigirimana.     Â
James na Daniella bashyize ahagaragara album yabo ya gatatu bise 'Ibyiringiro'Â 
Daniella, umunyamuziki umaze imyaka itatu afatanya n'umugabo we James gukorera Imana binyuze mu bihangano
James na Daniella ni itsinda rizwi cyane mu Rwanda no mu mahanga mu ndirimbo zo kuramya no guhimbaza Imana
James, umuhanzi w'impano wubakira ibihangano ku isengesho
 
KANDA HANO UBASHE KUMVA ALBUM 'IBYIRINGIRO' YA JAMES NA DANIELLA
