Byasabye iminota y'inyongera kugira ngo ikipe ya Imanishimwe Emmanuel [Mangwende], FAR Rabat igumye iyoboye urutonde rwa shampiyona muri Maroc nyuma yo kunganya na Wydad Casablanca 1-1.
Ni umukino w'umunsi wa 24 wa shampiyona y'icyiciro cya mbere muri Maroc wabaye ejo hashize aho Wydad ari yo yari yakiriye FAR Rabat kuri Mohamed V Stadium.
Uyu mukino wagiye kuba n'ubundi FAR Rabat ari yo iyoboye urutonde rwa shampiyona aho kuwutakaza byari gutuma banatakaza umwanya wa mbere.
Wydad Casablanca ikaba ari yo yaje gufungura amazamu ku munota wa 6 w'inyongera w'igice cya mbere aho cyatsinzwe na Bouhra.
Mu gihe iyi kipe yari yizeye ko yamaze gufata umwanya wa mbere, yaje gutungurwa maze yishyurwa iki gitego ku munota wa 6 w'inyongera mu minota 9 bari bongeyeho, ni nyuma y'uko iminota 90 yari yarangiye.
Ni igitego cyitsinzwe na myugariro w'iyi kipe, Aboulfath ubwo yashakaga gukiza umupira awutanga rutahizamu wa FAR Rabat.
Ni umukino myugariro w'umunyarwanda, Imanishimwe Emmanuel Mangwende yakinnye wose. Iyi kipe mu gihe hasigaye imino 6 ngo shampiyona irangire, iyoboye urutonde n'amanota 51, Wydad ya 2 ifite 50.
Source : http://isimbi.rw/siporo/article/byasabye-iminota-y-inyongera-kugira-ngo-mangwende-agume-ku-gasongero
