Kapiteni w'ikipe y'igihugu ya Brazil, Casemiro kuva yagera muri Manchester United akomeje gufasha iyi kipe kugenda igaruka mu bihe byayo byiza.Â
Yayifashije gutwara igikombe cya Carabao Cup, bari ku mukino wa nyuma wa FA Cup aho bazakina na Manchester City ndetse bizeye no kujya mu makipe 4 ya mbere muri Premier League bityo bakaba bazakina Champions League mu mwaka utaha.
Casemiro ntabwo ariwe mukinnyi wenyine ukomoka muri Brazil uri muri Manchester United dore ko hariyo na Antony nawe wazanywe na Erik Ten Hag aguzwe agera kuri miliyoni 88 z'amayero akuwe muri Ajax yo mu Buholandi.Â
Nyuma yabo bakinnyi bakomoka muri Brazil bari muri Manchester United barashaka undi wa 3 ariwe Neymar. Nkuko ikinyamakuru Daily Star kibitangaza, Casemiro niwe wahawe akazi ko kumureshya nk'umuntu baturuka mu gihugu kimwe bityo muri iyi mpeshyi akaba yahita asinya mu ikipe y'amashitani atukura.
Neymar asigaranye amasezerano y'imyaka 2 muri Paris Saint-Germain gusa iyi kipe yo mu Bufaransa yiteguye kumurekura mu gihe haboneka ikipe imushaka dore ko abafana batanamwishimiye.Â
Uyu mukinnyi amaze igihe kinini adakina nyuma yo kugira imvune ikomeye, yavunitse amaze gutsinda ibitego 13 yaranatanze imipira 11 ivamo ibitego muri uyu mwaka w'imikino.
Casemiro yahawe akazi ko kujyana Neymar muri Manchester United
Casemiro na Neymar mu ikipe y'igihuguÂ
Paris Saint-Germain yiteguye gutanga Neymar ku ikipe iyo ariyo yose imushaka
