Ishyirahamwe ry'umupira w'amaguru mu Rwanda, FERWAFA, ryatangaje ko 1/2 cy'amafaranga azava ku matike azagurwa ku mukino wa nyuma w'igikombe cy'Amahioro azajya mu gufasha abantu bibasiwe n'ibiza.
Ni nyuma y'ibiza byabaye mu ntangiriro z'uku kwezi kwa Gicurasi aho byahitanye abantu 135 abandi benshi bagakurwa mu byabo mu Ntara y'Iburengerazuba, Amagepfo ndetse n'Amajyaruguru.
FERWAFA ikaba yasohoye itangazo ko 1/2 cy'amafaranga azava ku mukino wa nyuma w'igikombe cy'Amahoro uzabera i Huye tariki ya 3 Kamena 2023 azajya gufasha abibasiwe n'ibiza.
Yagize iti 'Ubuyobozi bwa FERWAFA bwishimiye kumenyesha abakunzi b'umupira w'amaguru ko 50% y'amafaranga azava ku mikino ya nyuma y'igikombe cy'Amahoro, azajya mu bikorwa byo gufasha abagizweho ingaruka n'ibiza byibasiye Intara y'Iburengerazuba, Amajyaruguru ndetse n'Amajyepfo.'
Ni umukino uzahuza APR FC na Rayon Sports ni mu gihe Mukura VS izeseruana na Kiyovu Sports ku mwanya wa 3.
Kwinjira kuri uyu mukino, mu myanya y'icyubahiro ni ibihumbi 15 Frw, 7000 Frw ahatwikiriye ndetse na 3000 Frw ahasigaye hose.
Source : http://isimbi.rw/siporo/article/ferwafa-yageneye-ubufasha-abibasiwe-n-ibiza
