Ikipe ya Kiyovu Sports iri ku mwanya wa mbere muri Shampiyona y'u Rwanda amahirwe yo gutwara igikombe cya shampiyona y'u Rwanda akomeje kwiyongera nyuma y'uko bigaragara ko gutwara igikombe biri mu biganza byayo.
Kiyovu Sports ifitanye umukino n'ikipe ya Musanze FC yo mu ntara ya majyaruguru y'u Rwanda uyu munsi tariki 05 Gicurasi 2023 uraza kuba ukomeye cyane kuko Abayovu basabwa kuwutsinda kugira ngo biyongerere amahirwe yo kuba bakwegukana igikombe cya shampiyona y'u Rwanda imaze akavagari k'imyaka itagikozaho imitwe y'intoki.
Ikipe ya Kiyovu Sports ifite amahirwe menshi yo gutwara igikombe cya shampiyona kuko gutwara igikombe ariyo ibifite mu biganza byayo kubera ko isabwa gutsinda imikino yayo isigaje ntanumwe itakaje maze ikegukana igikombe cya shampiyona y'u Rwanda.
Kiyovu Sports iyoboye urutonde rwagateganyo rwa shampiyona y'u Rwanda n'amanota 57 ikaba ikurikirwa na Rayon Sports n'amanota 55 ndetse n'ikipe ya APR FC n'amanota 54.
