Iyi nama iratangra kuri uyu wa 23 Gicurasi izasozwe ku wa 25, izitabirwa n'abantu barenga 2000 barimo 1000 baturutse hanze ya Qatar barimo abayobozi n'abashoramali batandukanye ku Isi. Izabera muri Katara Towers, mu mujyi wa Lusail. Abazayitabira bazaganira ku bigezweho mu bijyanye n'imari, ingufu, ubuvuzi n'ikoranabuhanga, banasuzume umusanzu wabo mu guteza imbere ubukungu mu bihe biri imbere.
Usibye Perezida Kagame n'umuyobozi w'ikirenga wa Qatar, Sheikh Tamim bin Hamad Al-Thani, iyi nama izanitabirwa n'abashoramali barimo umuyobozi wa TikTok, Sbhou Chew, umuyobozi wa Boeing, David Calhoun, Kristalina Georgieva umuyobozi wa IMF n'abandi.
Usibye kuba Perezida Kagame yitabira iyi nama ibera buri mwaka muri Qatar, u Rwanda rusanzwe rufitanye ubushuti bukomeye n'igihugu cya Qatar ahanini bushingiye ku ishoramali.
