Abinyujije ku rukuta rwe rwa Instagram, Meddy yifatanyije n'umugore we kwizihiza isabukuru y'imyaka ibiri bamaze babana nk'umugabo n'umugore. Meddy ati:' Mu myaka ibiri ishize nashakanye n'inshuti yanjye magara. Ndagukunda Mimi'.
Aya magambo ya Meddy yakurikijwe ibitekerezo bitandukanye by'abantu bakunda iyi 'Couple' barimo na Uwicyeza Pamella wa The Ben ndetse na Mimi ubwe wasubije umugabo we mu ijambo rimwe ati: 'Ndagukunda'.
Nyuma y'amasaha make cyane, Mimi nawe yongeye kugaragaza urukundo afitiye umwana wabo ubwo yashyira hanze ifoto ye amuteruye akagira ati: 'Byose byanjye'.
N'ubwo Mimi yashyize hanze iyi foto y'umwana wabo kugeza ubwo twakoraga iyi nkuru mu masaha 2, Meddy nta kintu yari yayivugaho, icyakora ntiyari no mu bamaze kuyireba.
Meddy utajya ukunda gukoresha imbuga nkoranyambaga cyane, aherutse kugaragaza ko agiye gushyira hanze indirimbo yise ngo 'Blessed'.
Yaranditse ati:'Uw'Imana aragarutse', maze arenzaho ifoto igaragaza ko indirimbo yise 'Blessed' iri hafi gusohoka. Meddy na Mimi bakoze ubukwe tariki 23 Gicurasi 2021 kugeza ubu bamaranye imyaka 2.
Meddy na Mimi bamaranye imyaka 2Â babana nk'umugabo n'umugore
Mimi yagarageje ko akunda umwana we na Meddy bidasanzwe
