Mu murenge wa Kimisagara umugabo yakubiswe n'umugore we nyuma yo kumubenga akajya kwishakira undi ukiryoshye kumurusha.
Ibi byabereye mu Kagari ka Kamuhoza mu Murenge wa Kimisagara, aho uyu mugore yakubise umugabo we amuziza ko yashatse undi mugore akamujyana mu rugo rwabo.
Ibi byabaye saa munani z'amanywa yo kuri uyu wa Gatanu tariki ya 23 Kamena 2023.
Amakuru avuga ko urugo rw'uyu mugore n'umugabo ruhoramo amakimbirane kandi babana batarasezeranye.
Â
Umunyamabanga Nshingwabikorwa w'Akagari ka Kamuhoza, Sibomana Josephine yagize ati 'Uyu mugore n'umugabo we bari bamaze bafitanye abana batatu; no mu rugo rwabo hahoranaga amakimbirane ku buryo twajyagayo kubakiza. Twari twarabasabye ko buri wese ajya ukwe mu kwirinda ko bakwicana.'
Yakomeje agira ati: 'Yumvise ko umugabo yazanye undi mugore ni bwo yagiye guteza amahane ubuyobozi bw'Umudugudu bujyayo burabafasha.'
Yasoje avuga ko uyu muryango bawohereje kuri RIB ya Kimisagara kugira ngo utazicana anashimangira ko uwo mugore wakabiri nawe yamaze kuva muri urwo rugo.
