Byagenze gute ngo Nyabyenda wari ugiye kwishakira ubwatsi bw'amatungo bikaza kuragira agwiriwe n'ikirombe?
Nyabyenda Straton w'Imyaka 49 y'amavuko wo mu Karere ka Muhanga yagwiriwe n'ikirombe cy'amabuye y'agaciro.
Ibi byabereye mu Mudugudu wa Karambo, Akagari ka Butare mu Murenge wa Kabacuzi.
Ubuyobozi bw'Umurenge wa Kabacuzi buvuga ko uyu mugabo wagwiriwe n'ikirombe cy'amabuye y'agaciro, we na bagenzi be barangije gucukura, mu masaha ya nimugoroba, Nyabyenda abwira abo bakorana ko agiye kwahira ubwatsi bw'amatungo ye.
Umunyamabanga Nshingwabikorwa w'Umurenge wa Kabacuzi, Ndayisaba Aimable avuga ko munsi y'icyo kirombe hari imashini nini bifashisha mu bucukuzi (Caterpillar) imanura ibitaka nabyo bimanukana n'umusozi yahiragaho ubwatsi ibyo bitaka biramurengera ahita apfa.
Gusa bamwe mu baturiye iki kirombe bavuga ko uyu mugabo, atigeze ava muri iki kirombe ahubwo ko umusozi wamanutse ari imbere mu cyobo bacukuramo uramutwikira.
