Gacinya Chance Denis wari watanze kandidatire ku mwanya wa visi perezida wa FERWAFA ushinzwe tekinike ariko ikangwa, yajuririye iki cyemezo.
Ku wa 6 Kamena 2023 nibwo Komisiyo y'amatora ya FERWAFA yatangaje urutonde rw'abakandida bemerewe kwiyamamariza kujya muri Komite Nyobozi ya FERWAFA mu matora azaba tariki ya 24 Kamena 2023.
Bamwe baremerewe ni mu gihe abandi kandidatire zabo zanzwe barimo na Gacinya Chance Denis.
Uyu mugabo wayoboye Rayon Sports, bagaragaje ko atujuje ibintu 3 harimo kuba nta fotokopi z'impamyabumenyi ziriho umukono wa Noteri yatanze, icyemezo cy'uko yahagarariye umwe mu banyamuryango ba FERWAFA mu rwego rw'amategeko (perezida naba visi perezida) ndetse n'icyemezo cy'umunyamuryango wa FERWAFA umutanzeho umukandida.
Nyuma y'uko yanzwe, tariki ya 7 Kamena, Gacinya yahise ajuririra iki cyemezo ndetse n'ubujurire bwe bukaba bwarakiriwe.
Undi wajuriye ni Kanamugire Fidele na we wari watanze kandidatire ye ku mwanya wa visi perezida wa kabiri ushinzwe tekinike ariko na we ikaza kwangwa.
Uwa Gatatu wajuriye ni Hakizimana Moussa wari watanze kandidatire muri Komisiyo y'ubuvuzi ariko na we bakaza kuvuga ko atujuje ibisabwa.
Guhera ejo hashize kugeza tariki ya 12 Kamena, ni ugusuzuma ubujurire, ni mu gihe tariki ya 13 Kamena ari ugutangaza ibyavuye muri Komisiyo y'Ubujurire y'amatora ya FERWAFA.
Abakandida bemerewe n'abangiwe n'imyanya bahatanira
