Johnson Bagoole wakiniye amakipe atandukanye mu Rwanda, hateguwe umuhango wo kumwibuka muri Uganda, ni nyuma y'imyaka 5 yitabye Imana.
Bagoole bitaga 'Johny Bagz' yitabye Imana tariki ya 21 Kamena 2018 ku myaka 38 azize 'Cryptococcal Meningitis' akaba yaraguye muri 'Lira Regional Referral Hospital, ibitaro biri mu Majyaruguru ya Uganda.
Bagoole wakiniye ikipe y'igihugu ya Uganda, agiye kwibukwa nyuma y'uko imyaka 2 ishize uyu muhango utabaye kubera icyorezo cya Coronavirus.
Biteganyijwe ko umuhango wo kumwibuka uzaba tariki ya 24 Kamena 2023 uzabanzirizwa n'isengesho rizaba saa 11h mu rugo kwa se ni mu gihe saa 15h hazaba umukino uzahuza Busembatia (agace yavukagamo) na Eastern Select.
Johnson Bagoole yakiniye amakipe atandukanye harimo ayo mu Rwanda nka APR FC, Rayon Sports ndetse na Atraco FC.
Source : http://isimbi.rw/siporo/article/hagiye-kwibukwa-umukinnyi-wakiniye-rayon-sports-na-apr-fc
