Bivugwa ko Rayon Sports na Joackiam Ojera bamaze kumvikana isaha n'isaha yakongera amasezerano y'imyaka 2.
Uyu mukinnyi wayifashije mu mikino yo kwishyura ya shampiyona ya 2022-23 aho yari intizanyo ya URA FC mu gihe cy'amezi 6.
Ojera ukina asatira anyuze ku ruhande yitwaye neza mu mikino yakiniye Rayon Sports ndetse nayo iramushima aho yifuje kuba yamwongera amasezerano.
Byasabye ko Rayon Sports ihita itangira ibiganiro na URA FC yo muri Uganda kuri Ojera wifuzaga kuguma muri Rayon Sports.
Bivugwa ko amakipe yombi yaje kumvikana ndetse nta gihindutse Ojera Joackiam ku munsi w'ejo ku wa Gatanu azasinyira Rayon Sports amasezerano y'imyaka 2.
Iyi kipe kandi bivugwa ko yamaze kumvikana n'abakinnyi babiri b'Abarundi bakiniraga Kiyovu Sports ari bo Bigirimana Abedi na Nshimirimana Ismail Pitchou.
Aba bombi bivugwa ko nta gihindutse uyu munsi barara basinye buri umwe imyaka 2 aho bahagaze miliyoni 60 bombi.
Source : http://isimbi.rw/siporo/article/ibya-ojera-na-rayon-sports-igiye-gusinyisha-abanyamahanga-2
