Byari ibyishimo kuri bamwe mu basore n'inkumi bakina umukino wa Volleyball ubwo bishimiraga kurangiza icyiciro cya kabiri cya Kaminuza muri UTB.
Ejo hashize ku wa Gatanu Kaminuza ya UTB yatanze impamyabumenyi z'icyiciro cya kabiri cya Kaminuza mu mashami atandukanye.
Muri abo banyeshuri bazihawe harimo n'abakinnyi ariko biganjemo ab'umukino wa Volleyball mu makipe atandukanye.
Ku ikubitiro mu basore basoje icyiciro cya kabiri cya Kaminuza harimo Mukunzi Christophe wa KVC, Niyogisubizo Tyson ukinira Gisagara VC.
Hari kandi abakinnyi babiri b'ikipe ya APR VC, Ndayambaje Friend na Mbonigaba Vincent bakunda kwita Nyaruguru
Si bo gusa kuko hari n'abashiki babo basoje barangajwe imbere na Munezero Valentine ndetse na Kabatesi Judith bakinira APR WVC.
Hari kandi Ishimwe Honorine, Umulisa Pacifique na
Uwera Léa bakinira ikipe ya Police WVC.
- Mukunzi Christophe
- Niyogisubizo Samuel Tyson
- Ndayambaje Friend
- Mbonigaba Vincent
- Umulisa Pacifique
- Uwera Léa
- Ishimwe Honorine
- Munezero Valentine
- Kabatesi Judith
