Abana bavukana barokotse impanuka y'indege batowe ari bazima mu ishyamba ry'inzitane bari bamazemo iminsi 40.
Abana bane b'abanya-Colombie babonetse mu ishyamba rya Amazone ari bazima.
Aba bana babonetse nyuma y'uko indege barimo mu minsi 40 ishize yakoraga impanuka bakisanga muri ririya shyamba ry'inzitane.
Iyi nkuru y'akanyamuneza yatangajwe bwa mbere na Perezida Gustavo Petro, abinyujije ku rukuta rwa Twitter.
Ati: 'Abana bane bari baratakariye mu mashyamba ya Colombie mu minsi 40 ishize babonetse ari bazima.'
Aba bana uko ari bane bose bavukana barimo uwitwa Lesly w'imyaka 13 y'amavuko, Soleiny ufite icyenda, Tien Noriel w'imyaka ine ndetse na murumuna wabo witwa Cristin w'umwaka umwe w'amavuko.
