Ibi byabaye nyuma yo gutsinda ikipe ya Miami Heat umukino wa gatanu, Maze Denver Nuggets ihita yuzuza insinzi enye kuri imwe ya Miami Heat. Ibi byahise bishyira akadomo kuri iyi Mikino kuko umukino wa Gatandatu ntacyo waba ukivuze n'ubwo Miami Heat yari kuzawutsinda.
Ikipe ya Miami Heat yo yanavugwagamo umunaniro kubera ko kugira ngo ikuremo ikipe ya Boston Celtics byayisabye imikino irindwi. Yatangiye gukina imikino ya nyuma ifashe ikiruhuko cy'iminsi itatu gusa, mu gihe uwo bari guhangana yaruhitse iminsi icumi yose.
Amanota 94 ya Denver Nuggets kuri 89 ya Miami Heat niyo yatandukanyije impande zombi maze bituma ikipe ya Denver Nuggets itwara igikombe.
Nyamara ikipe ya Miami Heat niyo yatangiranye imbaraga zidasanzwe kuko yatangiye itsinda uduce tubiri twa mbere. Agace ka mbere yakayoboye n'amanota 24-22 naho agace ka kabiri ikayobora n'amanota 27 kuri 22 ya Denver Nuggets.
Igice cya Mbere cy'umukino cyarangiye iki ya Miami Heat ariyo iri imbere kuko yari ifite amanota 51kuri 44 ya Denver Nuggets.
Mu gice cya kabiri ikipe ya Denver Nuggets yagarutse yariye amavubi kuko yahise ikubitira mu gafuka ikipe ya Miami Heat. Agace ka Gatatu Denver Nuggets yatsinze amanota 26-20 ya Miami Heat naho agace ka kane ari nako ka nyuma Denver Nuggets itsinda amanota 24 kuri 18.
Imbaraga ikipe ya Denver Nuggets yagarukanye mu gice cya kabiri nizo zayifashije gutsinda umukino wa gatanu ari nawo wayihejeje ku gikombe. Ibi yabigezeho ku nsinzi y'amanota 94 kuri 89 ya Miami Heat.
Abakinnyi babanje mu kibuga ku ruhande rwa Denver Nuggets yatwaye igikombe ni Goldon, Porter, Nikolas Jokic, Caldwell-Pope, na Murray. Ku ruhande rwa Miami Heat yatakaje igikombe abakinnyi babanje mu kibuga ni Love, Jimmy Bulter, Adebayo, Vicent ndetse na Strus.
Abakinnyi bitwaye neza muri uyu mukino ni Nikolas Jokic wa Denver Nuggets yatsinze amanota 28, libound 16 na assist enye. Jimmy Bulter wa Miami Heat yatsinze amanota 21 libound eshatu na assist eshanu. Bame Adebayo wa Miami Heat yatsinze amanota 20, libound 12 na assist imwe.
Denver Nuggets akanyamuneza ni kose ku bakinnyi bayo
ikipe ya Miami Heat yatashye amaramasaÂ
Denver Nuggets yatwaye igikombe cya mbere cya NBAÂ 
Ni ibirori ku bakunzi ba Denver Nuggets aho bari hose ku isi
Abasore ba Denver Nuggets bayihesheje igikombe cya mbere cya NBAÂ
2023 ni umwaka w'imikino udasanzwe ku ikipe ya Denver NuggetsÂ
Jamal Murray nawe ari mu bakinnyi b'inkingi za mwamba za Denver NuggetsÂ
Nikolas Jokic ni umwe mu bakinnyi bafashije ikipe ya Denver Nuggets gutwara igikombeÂ
