Nyuma y'ikipe ya Kiyovu Sports yahagaritswe ku kwandikisha abakinnyi, indi kipe ikomeye hano mu Rwanda ntiyemerewe kwandikisha abakinnyi yamaze gusinyisha.
Hashize iminsi micye ishyirahamwe ry'umupira w'amaguru ku isi rimenyesheje ikipe ya Kiyovu Sports ko itemerewe kwandikisha abakinnyi kugeza yishyuye Milliyoni 67 abakinnyi barimo John Mano ndetse na mugenzi we yari yasinyishije umwaka ushize w'imikino igasesa amasezerano mu buryo butemewe n'amategeko.
Mu gitondo cyo kuri uyu wa Kane nibwo hagiye ahagaragara amakuru avuga ko ikipe ya Bugesera FC nayo itemerewe kwandikisha abakinnyi ariko iyo ubajije mu bayoboye iyi kipe ntabwo nabo bazi niba hari umukinnyi wabareze muri FIFA bikaba ari byo byatumye bahabwa ibi bihano mu buryo butunguranye.
Ntabwo haramenyekana impamvu ariko birabe ibyuya kuko Bugesera FC yaba ihuye n'ibibazo bikomeye cyane nyuma yo gusoza uyu mwaka ushize irwana no kutamanuka dushobora kongera kubona ari ko bimeze mu gihe ibi bihano byaba bigumyeho.
Â
