Umunyamakuru wamenyekanye mu biganiro by'imikino mu bitangazamakuru bitandukanye byo mu Rwanda, Kalisa Bruno Taifa, ubu usigaye uba muri America, yagize icyo atangaza ku byerekeye amatora yegereje muri FERWAFA.
Uyu munyamakuru uzwiho kuvuga akari ku mutima we kose, yakemanze ubushobozi bw'abakandida biyamamarije kuyobora FERWAFA.
Yagize ati 'Ubu tugiye kongera guta imyaka ine. Ibi ni ukugwa mu ruzi ugakurura irebe ngo rikurohore. Urazana umuntu umenyereye gukoresha abaturage umuganda ngo ajye kuyobora umupira.'
Asoza agira inama kuri FERWAFA, ati 'Inama natanga ni uko umuntu yajya mu bintu bye. Bashake abanyamupira bawuyobore. Ba Murangwa, Jimmy Mulisa n'abandi bari hanze babatumize kuko dukeneye impinduka.'
Ibi Taifa abivuze nyuma y'uko Munyantwali Alphonse wamenyekanye muri politiki ariwe uhabwa amahirwe menshi yo kuba umuyobozi mushya wa FERWAFA.
