Elon Musk yisubije umwanya we yari yarambuwe nk'umuherwe wa mbere ku isi
Elon Musk yisubije umwanya w'umuntu ukize kurusha abandi ku isi, awuvanyeho Bernard Arnault umukuru wa kompanyi LVMH y'ibicuruzwa by'ubuzima buhenze.
Umutungo we wazamutseho miliyari 55$ kuva muri Mutarama(1) uba miliyari 192$, nyuma yo kuzamuka kw'agaciro k'imigabane ya kompanyi ye ikora imodoka zikoresha amashanyarazi, Tesla.
Umutungo wa Arnault wo wagabanutseho miliyari 24$ ugera kuri miliyari 187$, nk'uko bivugwa n'urutonde rwa Bloomberg Billionaire index.
Ubu akurikiwe na Jeff Bezos hamwe na Bill Gates ku mwanya wa gatatu n'uwa kane
Arnault w'imyaka 74, yari yaciye kuri Musk, 51, mu Ukuboza(12) gushize ubwo imigabane ya LVMH yiyongeraga kubera isoko ryari ryazamutse ry'abakeneye ibicuruzwa bye.
