Ishyirahamwe ry'umupira w'amaguru mu Rwanda (FERWAFA) ryamaze gushyira hanze amatike yo ku mukino wa Super Cup 2023 uzahuza Rayon Sports na APR FC.
Uyu mukino uteganyijwe tariki ya 12 Kanama 2023 kuri Kigali Pelé Stadium saa cyenda z'amanywa.
Uyu mukino uzahuza ikipe yegukanye shampiyona ya 2022-23 ari yo APR FC na Rayon Sports yegukanye igikombe cy'Amahoro cya 2023.
Ni umukino utegerejwe na benshi cyane aho abafana ba APR FC bafite amatsiko yo kubona abanyamahanga mu ikipe yabo nyuma y'imyaka 11 batabakinisha.
FERWAFA yamaze gushyira hanze ibiciro aho itike igurwa ukanze *939#, itike ya make ni ibihumbi 3, ahatwikiriye ni ibihumbi 10 ni mu gihe mu myanya y'icyubahiro ari ibihumbi 30.
Source : http://isimbi.rw/siporo/article/amatike-y-umukino-wa-apr-fc-na-rayon-sports-yageze-ku-isoko
