Bahati yageze i Kigali asaba Bruce Melodie in... - #rwanda #RwOT

Uyu muhanzi wari utegerejwe n'itangazamakuru ryinshi yarengejeho ko a agiye gukorana indirimbo na Element ndetse akiga isoko ry'umuziki nyarwanda. 

Ku isaha ya saa Yine n'Iminota irindwi z'ijoro [22:07 PM] nibwo uyu muhanzi wari wambaye imyambaro y'umweru yasohotse mu Kibuga Mpuzamahanga cy'Indege cya Kigali, nyuma yo kumara iminota irenga 30 arindiriye abagombaga kumutwaza. 

Umuhanzi Nyarwanda Bruce Melodie wari witwaje abasore bazwi mu gucungira umutekano bimwe mu byamamare bikomeye mu Rwanda, niwe waje kwakira Bahati baherutse gukorana indirimbo 'Diana' iri kubica hano hanze. 

Bahati aganira n'Itangazamakuru yatangaje ko yishimiye kugera mu Rwanda, ku nshuro ya kabiri avuga ko bwa mbere yaje yitabiriye ibihembo bya Groove Awards. 

Ati' Nishimiye kongera kuza mu Rwanda, bwa mbere naje nitabiriye ibihembo bya Groove Awards ariko ntabwo nakiriwe nkuko nakiriwe uyu munsi.' 

Yakomeje agira ati 'Ngiye kumara icyumweru hano ariko ndizera ko nzahigira byinshi cyane cyane bijyanye n'umuziki ndetse no kwiga isoko' 

Bahati yasabye kandi Bruce Melodie ko bakorana indi ndirimbo kuko iya mbere bakoze iri kubica yaba muri Kenya no mu Rwanda. 

Uyu muhanzi yavuze ko kandi agomba gukorana indirimbo na Producer Element usigaye aserukira u Rwanda. 

Bahati yageze mu Rwanda, asaba Bruce Melodie ko bakorana indirimbo 

Bahati yatangaje ko azakora ubukwe n'umukunzi we Diana mu mpera z'uyu mwaka wa 2023 

Bahati yasesekaye mu Rwanda fire icyifuzo cyo gukorana indirimbo na Produce Element 

Kanda hano urebe andi mafoto

AMAFOTO: Freddy  Rwigema / INYARWANDA  

Source : https://inyarwanda.com/inkuru/131389/bahati-yageze-i-kigali-asaba-bruce-melodie-indi-ndirimbo-amafoto-131389.html