Kuri uyu wa Kane Taliki 13 Nyakanga 2023, Abidjan muri Cote D'Ivoire habereye inama ya 45 ya CAF, ikaba yasojwe hakorwa tombora y'amatsinda yo gushaka itike y'igikombe cy'Isi gitaha cya 2026.
Muri iyi itombora ikipe y'Igihugu y'u Rwanda, "Amavubi", yisanze mu itsinda C ririmo ikipe y'Igihugu ya Benin, Zimbabwe, Lesotho, Nigeria na Afurika y'Epfo.
Byari nyuma y'uko u Rwanda rwari rwisanze mu gakangara ka 5 aho rwari ruri kumwe na Niger, u Burundi, Comoros, Sudan, Ethiopia, Eswatini, Botswana na Liberia. Ubwo bivuze ko aha nta kipe n'imwe yo muri aka gakangara yagomba kwisanga mu itsinda rimwe n'indi.
Muri iyi tombora habonetsemo amatsinda 9 aho buri gihugu kizaba icya mbere mu itsinda kirimo ari cyo kizahita kibona itike y'igikombe cy'Isi cya 2026 kizabera muri Amerika, Mexico na Canada.
