Mu buto bwe Fabregas yakinnye muri Barcelona. Yakinnye imikino 212 muri English Premier League ubwo yari kumwe na Arsenal. Yakiniye Arsenal kuva muri 2004 kugera muri 2011. Muri icyo gihe yatwaye FA Cup, mbere y'uko asubira muri FC Barcelona.
Nyuma yo kumara imyaka itatu muri FC Barcelona, yagarutse muri Premier League muri Chelsea. Nyuma yo kugaruka muri Chelsea yakinnye imikino 200. Kandi yanatwaye English Premier League.
Nyuma yo kuva muri Chelsea, Cesc Fabregas yahise yerekeza muri AS Monaco yo mu Bufaransa. Yayikiniye imikino 60 nyuma aza kuzongwa n'ibibazo by'imvune. Ni bwo yahise afata umwanzuro wo kujya muri Como yo mu cyiciro cya kabiri mu Butaliyani.
Uyu mukinnyi yatwaye ibikombe mu makipe atandukanye yagiye akinira. Nk'uko tubicyesha BBC Sports News, uyu mukinnyi yatwaye Ibikombe byinshi. Muri 2010 yatwaye igikombe cy'isi ari kumwe n'ikipe y'igihugu ya Espagne muri Africa y'Epfo.
Aragira ati "Ubwo nabaga ngeze mu ikipe bwa mbere haba muri Barcelona, Arsenal, Barcelona na none, Chelsea, AS Monaco na Como, buri gihe nabaga nsa nk'aho ntunguwe. Ibintu byabaga byarahindutse dore ko umupira uba utera imbere umunsi ku munsi.
"Nk'umukinnyi watwaye igikombe cy'isi, Euro, Ibikombe bitandukanye mu Bwongereza ndetse no muri Espagne, mu by'ukuri ibyo ni ibigwi byo kuba umuntu yishyimira".
Cesc Fabregas yafashije Arsenal gutwara FA CupÂ
Cesc Fabregas yafashije Chelsea gutwara English Premier League
Cesc Fabregas yatwaye igikombe cy'isi hamwe n'ikipe y'igihugu ya Espagne
