Ikipe ikina shampiyona y'ikiciro cyambere mu Rwanda, Rayon Sports yatumiye ikipe ikina shampiyona y'ikiciro cyambere mu Burundi ya Vital'o FC iyisaba umukino wa gishuti.
Rayon Sports iteganya gutangira imyitozo ku munsi w'ejo tariki 10 Nyakanga 2023 izatangira imyitozo yamaze kohoreza ibaruwa mu gihugu cy'u Burundi isaba ikipe ya Vital'o FC kuzaza mu Rwanda bagakina umukino wa gishuti.
Muri iyi baruwa Rayon Sports irasaba Vital'o FC ko yazaza bagakina uyu mukino wa gishuti tariki 29 Nyakanga 2023 ukabera kuri Kigali Pelé Stadium saa Cyenda z'umugoroba.
Iyi kipe ya Vital'o FC yaraye inatwaye Igikombe kitiriwe uwahoze ari Perezida w'u Burundi Nkurunziza, itsinze Flambeau du Centre ibitego 2-0.
Biteganyijwe kandi ko Vital'o FC niza mu Rwanda izakina n'undi mukino wa gishuti n'ikipe ya Mukura VS taliki 06 zu kwezi gutaha.
