Iradukunda Bertrand na rutahizamu w'ikipe y'i... - #rwanda #RwOT

Ku mugoroba wo kuri iki cyumweru tariki 30 Nyakanga ni bwo ikipe ya Musanze FC ibarizwa mu Majyaruguru y'u Rwanda, yongeye kwiyubaka aho yasinyiye rutahizamu Iradukunda Bertrand wakiniraga ikipe ya Kiyovu Sports. 

Uyu musore uvanga umupira w'amaguru no kumurika imideri yari amaze umwaka akinira Kiyovu Sports, gusa mu mpera z'ukwezi gushize, akaba yarashimiwe n'iyi kipe imumenyesha ko batazakomezanya.

Bertrand wamenyekanye cyane mu ikipe ya Mukura Victory Sports, yakiniye amakipe arimo APR FC, Police FC, Bugesera FC, Gasogi United ndetse akaba yarakiniye n'ikipe ya Township yo muri Botswana. 

Ntabwo ari Bertrand gusa Musanze FC yasinyishije, kuko yanahaye amasezerano y'imyaka ibiri Muhammad Sulley rutahizamu ukomoka muri Ghana, wakiniye amakipe arimo King Faisal FC y'iwabo muri Ghana.

Iradukunda Bertrand ubu ni umukinnyi wa Musanze mu myaka ibiri iri imbere

Musanze FC ibaye ikipe ya gatatu yo mu ntara Bertrand agiye gukinira nyuma Bugesera na Mukura 

Sulley ubu ni umukinnyi wa Musanze FC mu myaka ibiri iri imbere

Bertrand na Sulley basinyiye umunsi umwe 

Sulley mu 2014 ubwo yari mu ikipe y'igihugu ya Ghana

Source : https://inyarwanda.com/inkuru/132562/iradukunda-bertrand-na-rutahizamu-wikipe-yigihugu-ya-ghana-basinyiye-ikipe-ya-musanze-fc-132562.html