Mu muhanda Karuruma â€" Bweramvura habereye impanuka y'imodoka yari itwaye amakara n'ibirayi yagonze umumotari ndetse n'inzu y'umuturage.
Ibi byabaye ku wa Kane tariki 20 Nyakanga 2023, aho imodoka ifite purake RAC 242 M, yavaga Byumba yerekeza Bweramvura, yaje kugongana n'ivatiri yari itwawe n'umushoferi bikekwa ko yari yasinze kuko yaje iri ku muvuduko mwinshi kubera ko abamotari bamwirukagaho kuko yari maze kugonga umumotari mugenzi wabo.
Umushoferi wari utwaye iyi modoka yavaga Byumba, yaje kugerageza gukatira iyo vatiri maze ihita igonga igipangu kirasenyuka yinjiramo imbere, igonga n'inzu gusa amahirwe ni uko nta muntu wari uri muri iyo nzu, ndetse n'uwari utwaye imodoka ntacyo yabaye usibye ibirayi n'amakara ndetse n'imodoka byangiritse bikabije.
Umushoferi wari utwaye iyo vatiri yahise ayita aho maze aratoroka, Police ishami ryo mu muhanda yahise itwara iyo Vatiri mu gihe hagishakishwa uwo mushoferi.
