Umwe mu bakinnyi beza ikipe y'igihugu y'u Rwanda Amavubi dufite yamaze kumvikana n'ikipe ya Rayon Sports vuba arerekanwa kumugaragaro hatagize igihinduka.
Ku munsi w'ejo hashize tariki ya 14 Nyakanga 2023, ikipe ya Rayon Sports yatangiye imyitozo kumugaragaro herekanwa abakinnyi basinyishijwe ariko hari abataraza barimo Jonathan Ifunga Ifaso ndetse na Youseff Rharb bivugwa ko byarangiye bamaze kumvikana.
Nkuko dusanzwe dushaka amakuru YEGOB twamenye ko ubuyobozi bwa Rayon Sports kugeza ubu bwamaze kumvikana na Muhire Kevin nyuma y'umwaka umwe ayivuyemo akerekeza mu gihugu cya Kowait ntahishimire.
Muhire Kevin amaze iminsi agirana ibiganiro n'ubuyobozi bwa Rayon Sports nyuma yo kubona ari umwe mu bakinnyi beza b'abanyarwanda ikipe yakubakiraho kandi ibintu bakagira icyo bafasha cyane ko atari umukinnyi mubi.
Ikipe ya Rayon Sports bisa nkaho ikintu cyo kugura abakinnyi barimo kugenda bagisoza ahubwo ubuyobozi bwatangiye gutekereza uko Shampiyona igomba gutangira abakinnyi bose bameze neza. Imyitozo ya mbere y'iyi kipe yatangijwe na RWAKA Claude umutoza wungirije nyuma yaho umutoza mukuru ari mu biruhuko i Dubai.
