Imfura ya Zari Hassan, Pinto Ssemwanga iravugwa mu rukundo n'inkumi y'umuzungu ikaba n'umunyamideli uba muri Afurika y'Epfo, Jevonne Coetsee.
Pinto amaze iminsi asangiza amamukurikira amafoto yagiranye ibihe byiza n'uyu mukobwa ariko akabishyira ahajya ubutumwa bumara amasaha 24 kuri Instagram.
Nyuma y'igihe bavugwa mu rukundo yongeye gusangiza abamukurikira ifoto ye ari kumwe n'iyi nkumi.
Bibaye mu gihe mu mpera z'umwaka ushize nyina yatangaje ko yakira ubutumwa bwinshi bw'abagore bamusaba kumuhuza n'umuhungu we.
Icyo gihe yagize ati "abantu bakomeza kumbwira ngo mbahuze b'umuhungu wanjye Pinto. Munyumve, abana banjye bazagira ubuzima bwabo, ntabwo nzabwira umwana wanjye ngo uyu ni we mukobwa mugomba kubana cyangwa uyu ni we muhungu mugomba kubana."
Jevonne Coetsee, umunyamideli wigaruriye umutima wa Pinto Ssemwanga asanzwe akorana na sosiyete icunga imideli ikorera i Johannesburg, Cape Town, na Durban.
Source : http://isimbi.rw/imyidagaduro/article/umuhungu-wa-zari-mu-rukundo-n-umunyamideli-w-umuzungu
