Uyu ni umukino wabaye kuri iki Cyumweru tariki 8 Nzeri 2023Â Saa Kumi n'Imwe n'iminota 30 , Arsenal niyo yari yakiriye kuri Emirates Stadium.
Abakinnyi 11 ba Arsenal babanje mu kibuga: David Raya; White, Saliba, Gabriel, Zinchenko; Odegaard, Rice, Jorginho; Trossard, Nketiah na Gabriel Jesús.
Abakinnyi 11 ba Manchester City babanje mu kibuga: Ederson; Walker, Rúben Dias, Aké, Gvardiol; Lewis, Kovacic; Foden, Julián Álvarez, Bernardo Silva na Haaland.
Uko umukino wagenze muri make
Ikipe ya Manchester City yatangiye umukino iri hejuru ya Arsenal ndetse byanashobokaga ko ibona igitego mu minota 20 ya mbere nkaho David Raya yihereye umupira Julian Alvarez ariko birangira gutereka mu nshundura byanze.
Ku munota wa 25 Arsenal nayo yabonye uburyo bukomeye imbere y'izamu ku mupira Eddie Nketiah yari ahawe na Zincheko ariko arekuye ishoti r'inyura hepfo y'izamu gato cyane.
Umukino wakomeje ubona noneho abakinnyi ba Arsenal aribo bari hejuru bigatuma aba Manchester City banakora amakosa ya hato n'ahato nkaho Kovacic yateze Martin Odegaard bishoboka ko umusifuzi yamuha n'ikarita itukura ariko arasanza amuha umuhondo gusa.
Ku wa 38 Arsenal yakije umuriro imbere y'izamu maze uwitwa Zincheko arekura amashoti y'imyakira ariko ba myugariro ba Manchester City baba maso barayitambika.
Nyuma yo guhusha ibitego, Manchester nayo kuwa 40 yarikibonye aho Gvardiol yahinduye umupira mwiza imbere y'izamu ashaka umutwe wa Haaland ariko ntibyakunda neza.
Igice cya mbere cyarangiye amakipe yombi anganya 0-0.
Igice cya Kabiri cyatangiye Arsenal ikora impinduka mu kibuga havamo Leandro Trossard hinjiramo Gabriel Martinelli ndetse arinako isatira cyane.
Ku munota wa 55 Manchester City yabonye kufura yari iteretse ahantu heza ku ikosa Nico Lewis yarakorewe ariko Foden ayitera nabi ntihagira ikivamo.
Mu minota 65 Manchester City yisirisimbije imbere y'izamu rya Arsenal abakinnyi nka Haaland na Fodem babona imipira bari mu rubuga rw'amahina gutsinda igitego biranga.
Arsenal yaje kubona igitego umukino ugiye kurangira ku mupira Kai Havertz yahaye Gabriel Martinelli nawe arekura ishoti riremeye riragenda rikubita mu maso ha Nathan Ake umupira uhita ujya mu nshundura.
Umukino warangiye ikipe y'Abarashi itahanye itsinzi y'igitego 1-0,iba itsinze Manchester City nyuma y'imyaka 8 itabikora muri Premier League.
Gabriel Martinelli watsinze igitego cya ArsenalÂ
