Uyu mukinnyi w'imyaka 31 y'amavuko, ikipe yaguze yitwa Bourges Foot 18, ikaba yari isanzwe ikina icyiciro cya Kane mu Bufaransa.Â
Sadio Mane yakoze iki gikorwa nyuma yo kumara igihe kinini abitekerezaho ndetse akaba yari asanzwe iri n'inshuti na Perezida w'iyi kipe, Cheikh Sylla, bikaba binateganyijwe ko ariwe uzakomeza kuyiyobora.Â
Nk'uko ikinyamakuru ESPN kibyandika, mu mpeshyi y'uyu mwaka ubwo Isoko ry'igura n'igurisha ku bakinnyi ryari rifunguye, uyu munya-Senegal yagize uruhare mu bakinnyi binjiye muri iyi kipe ya Bourges Foot 18, atanga amafaranga ariko ejo kuwa Gatatu ni bwo byemejwe ko yayiguze mu buryo bw'amategeko.
Iyi kipe ya Bourges Foot 18 iherereye mu birometero 250 uvuye mu murwa mukuru w'u Bufaransa, Paris, kure yageze ni mu cyiciro cya kabiri ariko kuri ubu niyo iri ku mwanya wa nyuma aho iri mu itsinda B muri shampiyona y'icyiciro cya 4.
Sadio Mane aguze iyi kipe nyuma y'uko mu mpeshyi yerekeje muri Al Nassr yo muri Arabia Saudite avuye muri FC Bayern Munich aho ibintu bitari bimeze neza.Â
Uyu mukinnyi amaze gutwara ibikombe 6 mu makipe yanyuzemo birimo icya Champions League yatwaranye na Liverpool muri 2019 ndetse n'icya Premier League muri 2020.
Sadio Mane yaguze ikipe ikina shampiyona y'icyiciro cya 4 mu Bufaransa
Bourges Foot 18 yaguzwe na Sadio ManeÂ
Sadio Mane yashoye imari muri ruhago
Source : https://inyarwanda.com/inkuru/135867/sadio-mane-yaguze-ikipe-yi-burayi-135867.html
