![](http://inyarwanda.com/app/webroot/img/202310/images/1698183820478-2009321698183843.jpg)
Kuri uyu wa Kabiri taliki 24 Ukwakira 2023 nibwo iyi mikino yagarutse, habaye iyo kuva mu itsinda A kugeza mu itsinda D, ikaba yakinwe kuva saa kumi n'ebyiri n'iminota 45.Â
Duhereye mu itsinda A, ikipe ya Bayern Munich yari yagiye gusura ikipe ya Galatasaray FC muri Turikiya.
Bayern Munich yaje gutsinda ibitego 3-0 harimo icya mbere cyatsinzwe na Kingsley Coman ku munota wa munani, ku munota wa 30 Mauro Icardi yishyurira Galatasaray kuri penaliti. Igice cya mbere kirangira ari 1-1.
Igice cya kabiri Bayern Munich yatsinzemo ibitego bibiri harimo icyo yatsinze ku munota wa 73 cyatsinzwe na Harry Kane, n'ikindi cyatsinzwe na Jamal Musiala ku munota wa 79.
Umukino warangiye Bayern Munich itsinze 3-1, ikomeza kuyobora itsinda rya mbere n'amanota icyenda.
Undi mukino wabaga muri iri tsinda ikipe ya Manchester United mu rugo yari yakiriye ikipe ya FC Copenhagen.
Iyi kipe y'amashitani atukura yaje gufashwa n'abakinnyi bayo bari ibicibwa kuko igitego 1-0 babonye bagitsindiwe na Harry Maguire ku munota wa 72 ku mupira yahawe na Christian Erkisen naho umuzamu wayo Andre Onana aza gukuramo penariti umukino ugiye kurangira.
Mu itsinda B ikipe ya Arsenal yakinaga ya Sevilla muri Espagne maze ikipe y'Abarashi itsinda ibitego bibiri kuri kimwe.
Igitego cya mbere cya Arsenal cyatsinzwe na Gabriel Martinelli ku munota wa 45+4' ahawe umupira na Gabriel Jesus.
Ku munota wa 53 Gabriel Jesus yatsinze igitego cya kabiri cya Arsenal ahawe umupira na Declan Rice.
Ku munota wa 58 Sevilla yari imbere y'abafana bayo yatsinze igitego cya mbere gitsinzwe na Nemanja Gudelji.
Mu itsinda C ikipe ya Real Madrid yari yagiye gusura SC Braga muri Portugal ndetse inayitsindirayo ibitego 2 byatsinzwe na Rodrygo ku munota wa 16 ndetse na Jude Bellingham kuwa 61 kuri 1 cyatsinzwe na Djalo ku munota wa 63.
Undi mukino ni uwo Napoli yatsinzemo Union Berlin igitego 1-0 cya Raspadori. Mu itsinda D, Inter yatsinze FC Salzburg 2-1 naho Real Sociedad itsindira Benfica igitego 1-0 imbere y'abafana bayo.
![](http://inyarwanda.com/app/webroot/img/202310/images/1698183820478-4401491698183856.jpg)
Harry Maguire na Andre Onana bari baragizwe ibivume nibo bafashije Manchester United kubona intsinziÂ
Rodrigo na Jude Bellingham nibo bafashije Real Madrid kubona intsinzi
Gabriel Martinelli na Gabriel Jesus nibo batsindiye ArsenalÂ