REG WBBC yabashije kugera muri 1/2 cy'ijonjora rya "FIBA Africa Women's Basketball League 2023" ni mu gihe APR WBBC yasezerewe.
Iyi mikino y'iri jonjora imaze iminsi ibera mu Rwanda, yari igeze muri 1/4 aho APR WBBC yasezerewe na JKL Lady Dolphins yo muri Uganda iyitsinze amanota 75-58.
APR WBBC byapfiriye mu ntangiriro z'umukino aho wabonaga bakina nta mbaraga, byatumye batakaza aka gace ku manota 29-13 ndetse n'aka kabiri ku manota 23-8.
Iyi kipe yibutse ibitereko yasheshe kuko yashatse gukina bitagishobotse kuko yatsinze agace ka 3 ku manota 18-16 ndetse n'aka nyuma ku manota 19-7.
REG WBBC yo yabashije kugera muri 1/3 isezereye Gradiators y'i Burundi ku manota 83-73.
Gradiators yatangiye neza itsinda agace ka mbere ku manota 19-13, gusa ntabwo yongeye kuyobora kuko REG WBBC ibifashijwemo n'abarimo Micomyiza Rosine na Betty Kalanga bahise batsinda utundi duce uko ari 3.
Agace ka kabiri REG yagatsinze kuri 22-12, aka gatatu 23-20 ni mu gihe aka kane yagatsinze 25-22.
Indi mikino ya 1/4, KPA yasezereye Vijana Queens bayitsinze 81-36 ni mu gihe Nile Legends yasezerewe na Equity Bank kuri 72-43.
Source : http://isimbi.rw/siporo/article/reg-yageze-muri-1-2-apr-biranga
