Mu mpera z'iki cyumweru nibwo muri BK Arena haberaga imikino ya Volleyball Play Offs aho amakipe ane ya mbere mu cyiciro cy'abagore n'abagabo, bahuye hagati yabo bashaka ikipe yarusha indi amanota menshi.
Amakipe ane yitabiriye mu bagabo ni: Gisagara VC ya mbere, APR VC ya kabiri, REG VC, na Police FC. Mu bagore ni: APR WVC ya mbere, RRA WVC Police WVC, na Ruhango WVC.
Uko imikino yakinwe amakipe yahuye hagati yayo ku wa 6 no ku Cyumweru, amanota ikipe isaruye yongerwa ku yo yari yakuye muri shampiyona bisanzwe ubundi hareba igiteranyo cy'amanota menshi, byatumye Gisagara VC ibarizwa mu Karere ka Gisagara mu Majyepfo y'u Rwanda, ariyo yegukana igikombe cya shampiyona mu bagabo naho mu bagore, RRA WVC iba ariyo iterura iki gikombe.
Mu bagore umukino kamparampaka wagombaga gutanga igikombe, wahuje RRA WVC na APR WVC, dore ko aya makipe ari nayo yamboga kwishakamo iyegukana shampiyona. Ikipe ya RRA WVC yagiye muri uyu mukino isabwa gutsinda APR WVC nibura ikinyuranyo cy'amaseti 2-0, izakubigeraho itsinze APR WVC amaseti 3-0 (25,11-25,21-30,28).
Mu bagabo, umukino wa kamparampaka wagombaga gutanga igikombe, wahuje ikipe ya APR VC na Gisagara VC akaba ari nawo mukino washoje ibirori muri BK Arena. Aya makipe yaranzwe no guhangana muri uyu mwaka, baje gukina umukino udasanzwe kuko habayeho n'iseti ya kamparampaka (Seoul) nyuma y'uko amakipe yombi anganyije amasezerano 2-2. Iseti ya nyuma, Gisagara yari yabukereye, yaje kuyitsinda ndetse ihita yegukana igikombe cya shampiyona nta yandi mananiza.
Ku bijyanye n'ibihembo, ikipe ya mbere muri bagore n'abagabo yegukanye Miliyoni 2, ikipe ya Kabiri yegukana Miliyoni 1.5, ikipe ya Gatatu yegukana Miliyoni imwe.
Gisagara yari yaje yabukereye, ndetse ikaba yahawe Miliyoni 2 nk'ikipe yegukanye igikombeÂ
Yakana Guma Lawrence wabaye umukinnyi muri Volleyball y'u Rwanda, niwe wahesheje shampiyona Gisagara nyuma yo kuyifata shampiyona yaratangiyeÂ
APR FC yabaye iya 2, yahawe Miliyoni n'igice y'amanyarwandaÂ
Police VC yari ikinnye shampiyona bwa Kabiri ariko ikaba inshuro ya mbere yari iyikinnye yitwa Police, yahawe Miliyoni imwe y'amanyarwandaÂ
RRA WVC yaherukaga shampiyona mu 2017, inyota ikaba yari yoseÂ
APR WVC yegukanye umwanya wa Kabiri ndetse ihabwa Miliyoni 1 n'igice y'amanyarwandaÂ
Police WVC yegukanye umwanya wa Gatatu ihabwa Miliyoni imweÂ
Abafana bari baje kwihera ijisho uko ibiro bivuza ubuhuha ku mpande zombiÂ
Umunyamakuru wa RBA Gatera Edmond niwe wayoboraga ibikorwa by'iyi mikino mu buryo bw'amajwi (MC)Â
Kanda hano urebe amafoto menshiÂ
AMAFOTO: Serge Ngabo - InyaRwanda
