Uyu mukobwa uri muhagaze neza mu Rwanda, amasezerano yari afitanye n'iyi kipe yari yageze ku musozo, ariko aza kongerwa akaba azayikinira mu marushanwa ya 2024.
Ubwo ikipe ya Canyon// Sram Generation yerekanaga abakinnyi izakoresha mu mwaka wa 2024, mu bakinnyi 9 izifashisha, abakinnyi babiri gusa nibo bari basanzwe muri iyi kipe, barimo n'umunyarwandakazi Ingabire Diane na Daniela Schmidsberger.Â
Abakindi bakinnyi 6 bavuye muri Women Continental Team, mu gihe undi wuzuza uwa cyenda azaba umukinnyi uzaba watsinze muri Zwift Academy akazatangazwa mu ntangiriro za 2024.
Nyuma yaho Diane yongereye amasezerano, yavuze ko igihe kigeze agatanga umusaruro urushijeho kuko amaze kugira uburambe. Yagize ati:Â "Nejejwe cyane no kongera amasezerano mu ikipe yanjye ya CANYON // SRAM tukazaba turi kumwe mu wundi mwaka w'imikino".Â
"Uyu ni umwaka wa gatandatu nk'umukinnyi w'amagare. Uyu mwaka nagize uburambe bwinshi, burimo kwitoreza muri Girona no kujya mu marushanwa menshi mashya. Intego yanjye ni ugukora cyane no gufashanya na bagenzi banjye. Ndizera ko tuzatsinda tukagera kuri byinshi muri uyu mwaka wa 2024.'
Ingabire Diane ni nawe uheruka kwegukana Kirehe Race 2023Â
Diane w'imyaka 22 y'amavuko kuva yagera muri Canyo//Sram amaze yegukanye shampiyona y'igihugu, ku basiganwa n'ibihe ndetse no gusiganwa mu muhanda, aba uwa kane muri African Continental Championship, aba uwa 14 muri Gran Premio Igartaza ndetse yegukana na Tour du Burundi.Â
Ingabire Diane ni umwe mu bakinnyi mu bagore bahagaze neza ndetse akaba yemeza ko yiteguye gukora byinshi mu mwaka wa 2024
