Mu gihe habura iminsi 5 gusa kugira ngo imikino y'igikombe cy'Afurika gitangire, ibikomeje kwibazwaho ni byinshi, harimo n'ihamagarwa rya Wilfried Nathan Douala mu bakinnyi 27 Cameroon izitabaza muri iyi mikino. Uyu musore afite imyaka 17 akaba akina mu kibuga hagati mu ikipe y'iwabo ya Victoria United.
Uyu musore wabonye izuba muri Gicurasi 2006 ntabwo abantu benshi bari kuvuga rumwe n'amafoto ye yagiye hanze kuko abenshi bavuga ko iyo myaka ayirengeje, gusa ibyangombwa bikabanyomoza.
Ubwo hifashishwaga ifoto ya Wilfred mu 2015 ubwo yari afite imyaka 9 bigaragara ko ikigero yarimo mu gihagararo n'isura bihura n'imyaka ye.
Ntabwo ari iyo foto gusa yifashishijwe kuko hagiye hanze n'ifoto ya Wilfred Nathan na Carlos Baleba mu 2022. Carlos Baleba ubu akinira ikipe ya Brighton mu Bwongereza.
Abenshi ntabwo bemera ko isura ya Wilfried ijyanye n'imyaka 17 y'amavukoÂ
Ifoto ya Wilfried Nathan mu 2015 ubwo yari afite imyaka 9Â
Uyu ubanza ni Carlos Baleba uhera hirya akaba Wilfried. Hano byari mu 2022 ubwo Carlos yari afite imyaka 18 naho Wilfried afite imyaka 16Â
