Ikipe ya APR y'umukino wa Basketball yamaze kugera mu gihigu cya Qatar aho igiye gukorera umwiherero wo kwitegura irushanwa rya BAL.
Ku mugoroba w'ejo hashize ku wa Mbere tariki ya 19 Gashyantare ni bwo APR BBC yahagarutse mu Rwanda yerekeza Doha muri Qatar ikaba yahageze mu rukerera rwo kuri uyu wa Kabiri tariki ya 20 Gashyantare 2024.
Iyi kipe ikaba igomba gukorera umwiherero w'iminsi 10 muri iki gihugu aho binateganyijwe ko izahakinira imikino 5 ya gicuti.
Mu rwego rwo rwo kwitegura BAL 2024 iyi kipe izaba igiye gukina ku nshuro ya mbere, yongeyemo amaraso mashya barimo nk'Abanyamerika Zion Styles, Michael Dixon na Dario Nathan Henry Hunt, aba bakaba baraje biyongera ku bandi bakinnyi beza iyi kipe isanganywe nka Adonis Filer, Axel Mpoyo n'abandi.
APR BBC kandi imaze igihe yitegura iyi mikino ya BAL 2024, izatangira gukinwa mu matsinda (Conferences) guhera mu kwezi gutaha kwa Werurwe muri Afurika y'Epfo, muri conference yiswe 'Kalahari conference', imikino izakinirwa muri SunBet Arena mu mujyi wa Pretoria.
I Doha muri Qatar APR BBC ikaba icumbitse kuri THE GRAND LUX HOTEL DOHA.
Abakinnyi yajyanye: Ntore Habimana, Jean Jacques Wilson Nshobozwabyosenumukiza, Robeyns William, Axel Olenga Mpoyo, Chris Rutayisire, Adonis Filer, Dario Nathan Henry Hunt, Elie Kaje, Michael Dixon, Zion Styles, Bush Wamukota, Dan Kimasa,Ally Kazingufu and Larsson Shema Niyibizi.
Source : http://isimbi.rw/siporo/article/abasore-ba-apr-basesekaye-qatar
