Uyu mutoza ukomoka muri Espagne, afite amasezerano azarangirana n'umwaka utaha w'imikino muri Manchester City kipe ikina shampiyona y'icyiciro mu Bwongereza.Â
Nyuma yo gukora amateka akegukana ibikombe 3 mu mwaka ushize w'imikino no muri uyu mwaka arashaka kongera kuyasubiramo akaba yakwegukana Champions League, Premier League na FA Cup.
Nubwo bimeze gutyo ariko Pep Guardiola kuri ubu ufatwa nk'umutoza wa mbere ku Isi, yatanze ibimenyetso ko ashobora kuzasiga Manchester City akajya gutoza ikipe y'igihugu.
Aganira na ESPN Brazil, yagize ati: "Ndashaka gutoza ikipe yigihugu mu gikombe cyisi cyangwa mu gikombe cy'Uburayi. Ndabishaka. Sinzi ikipe y'Igihugu yanshaka! Kugira ngo ukorane n'ikipe y'igihugu, bisaba ko ibanza kugushaka, bimeze nko mu ikipe isanzwe.Â
Igihe natangiraga gutoza ntabwo natekerezaga ko nzatwara igikombe cya shampiyona runaka cyangwa icya Champions League. Ndashaka kugira ubunararibonye mu gikombe cy'isi, cyangwa icya Euro na Copa América, cyangwa icyo aricyo cyose. Ndabishaka.
Sinzi igihe bizabera, niba ari mu myaka itanu (5), 10, 15 uhereye ubu, ariko ndashaka kugira uburambe bwo kuba umutoza mu gikombe cy'isi".
Pep Guardiola umaze gutoza mu makipe akomeye nka FC Barcelona na FC Bayern Munich, atangaje ibi mu gihe biri kuvugwa ko ikipe y'igihugu y'u Bwongereza na Espagne ziri kumwifuza ngo azibere Umutoza mukuru.
Pep Guardiola yavuze ko ashaka gutoza ikipe y'igihugu
Guardiola yatanze ibimenyetso byo kuzasiga Manchester City amaze gukoreramo amateka
Pep Guardiola yafashije Manchester City kwegukana ibikombe 3 bya shmpiyona biheruka
