Gitego Arthur ukinira AFC Leopards muri Kenya, akomeje kwitwara neza atsinda ibitego, ni mu gihe amwe mu makipe akinamo Abanyarwanda yari asanzwe yitwara neza atahiriwe n'impera z'icyumweru gishize.
Muri iyi nkuru tugiye kurebera hamwe uko abakinnyi b'abanyarwanda bitwaye mu mpera z'icyumweru gishize.
Bizimana Djihad - Kryvbas FC
Bizimana Djihad yari mu kibuga akina iminota 90 mu mukino w'umunsi wa 19 wa shampiyona y'icyiciro cya mbere muri Ukraine byanyagiwemo na Shakhtar Donetsk 5-2 ejo hashize ku Cyumweru. Iyi kipe yahise itakaza umwanya wa mbere ufatwa na SC Dnipro-1 na 38, Kryvbas yafashe umwanya wa 2 n'amanota 37.
Kwizera Olivier - Al-Kawkab
Kwizera Olivier yari mu izamu rya Al Kawkab mu cyiciro cya 3 muri Saudi Arabia ku wa Gatanu tariki ya 1 Werurwe 2024 mu mukino iyi kipe yatsinzwemo na Al-Rayyan Club 2-0.
Nyuma y'umunsi wa 26 Al Kawkab iri ku mwanya wa 11 n'amanota 31, Neom ya mbere ifite 60.
Runanguka Steve- Al Nojoom
Al Nojoom ya Rubanguka Steve mu cyiciro cya gatatu muri Saudi Arabia byayigendekeye neza ku wa Gatandatu w'icyumweru gishize, nyuma yo gutsinda Mudhar 2-1. Rubanguka Steve yari mu kibuga. Iyi kipe iri ku mwanya wa 13 n'amanota 24, urutonde ruyobowe na Neom na 60.
Hakim Sahabo - Standard Liege
Hakim Sahabo yinjiye mu kibuga ku munota wa 88 mu mukino wa shampiyona ikipe ye ya Standard de Liège yatsinzemo Gent 4-2 ku wa Gatandatu tariki ya 2 Werurwe 2024.
Nyuma y'umunsi wa 28 iyi kipe iri ku mwanya wa 10 n'amanota 31, Union Saint-Gilloise ya mbere ifite 68.
Maxime Wenssens - Royale Union Saint-Gilloise
Ntabwo umunyezamu w'umunyarwanda, Maxime Wenssens yari muri 18 bifashishijwe n'ikipe ya Union Saint-Gilloise mu mukino w'icyiciro cya mbere mu Bubiligi iyi kipe yatsinzemo Oud-Heverlee Leuven 2-0 ku wa Gatandatu w'icyumweru gishize. Iyi kipe iyoboye urutonde n'amanota 68 nyuma y'umunsi wa 28.
Emeran Noam - Groningen FC
Uyu munsi Groningen yo mu cyiciro cya kabiri mu Buholandi ya Emeran Noam irakina na FC Den Bosch mu mukino w'umunsi wa 28. Iyi kipe iri ku mwanya wa 8 n'amanota 45 ku rutonde ruyobowe na Willen II na 57.
Gitego Arthur - AFC Leopards
Gitego Arthur ejo hashize ku Cyumweru yatsinze igitego kimwe muri 2-0 ikipe ye ya AFC Leopards yatsinzemo Nzoia muri shampiyona y'icyiciro cya mbere muri Kenya. AFC Leopards iri ku mwanya wa 7 n'amanota 34 ni mu gihe Gor Mahia ya mbere ifite 50.
Sibomana Patrick Papy & Emery Bayisenge- Gor Mahia
Ntabwo ku wa Gatandatu w'icyumweru gishize, Papy na Emery bakinira Gor Mahia muri Kenya bari muri 18 bifashishijwe mu mukino w'umunsi wa 23 wa shampiyona y'icyiciro cya mbere muri Kenya batsinzemo Posta Rangers 4-0. Iyi kipe ni yo iyoboye urutonde n'amanota 50.
Manzi Thierry - Al Ahli Tripoli
Manzi Thierry yinjiye mu kibuga ku munota wa 79 mu mukino Al Ahli Tripoli ye mu cyiciro cya mbere muri Libya yatsinzemo Al Ittihad 3-1 ku wa Kane w'icyumweru gishize tariki ya 29 Werurwe 2024. Muri iri tsinda Al Ahli Tripoli ni yo iyoboye urutonde n'amanota 35.
Haruna Niyonzima - Al Ta'awon
Haruna Niyonzima na Al Ta'awon mu cyiciro cya mbere muri Libya, itsinda rya bo rya A, bazagaruka mu kibuga tariki ya 14 Werurwe 2024 na Al Nassr.
Muri iri tsinda rya bo iyi kipe ye iri ku mwanya wa 5 n'amanota 21 ku rutonde ruyobowe na Al Nasr na 28.
Mugisha Bonheur Casemiro - AS Marsa
Muri shampiyona ya kamarampaka mu makipe arwana no kutamanuka mu cyiciro cya kabiri muri Tunisia, ejo hashize Mugisha Bonheur Casemiro na AS Marsa akinira batsinzwe 3-0 na Olympique Béja. Iyi kipe ifite amahirwe menshi yo kumanuka mu cyiciro cya kabiri kuko ari iya nyuma mu makipe 8.
Imanishimwe Emmanuel Mangwende - FAR Rabat
Ku wa Gatandatu w'icyumweru gishize, Imanishimwe Emmanuel Mangwende yari ku ntebe y'abasimbura mu mukino ikipe ye ya FAR Rabat mu cyiciro cya mbere muri Maroc yatsinzemo Ittihad Tanger2-1 . Iyi kipe ubu ni yo iyoboye urutonde n'amanota 49.
Meddie Kagere - Namungo FC
Ku wa Gatandatu w'icyumweru gishize, Meddie Kagere yabanje mu kibuga mu mukino ikipe ye ya Namungo FC mu cyiciro cya mbere muri Tanzania yatsinzwemo na Mashuja 1-0.
Nyuma y'umunsi wa 19, Namungo FC iri ku mwanya wa 9 n'amanota 20, Yanga ya mbere ifite 49.
Ntwali Fiacre - TS Galaxy
Umunyezamu mpuzamahanga w'Umunyarwanda ukinira ikipe ya TS Galaxy yo muri Afurika y'Epfo mu cyiciro cya mbere, Ntwari Fiacre yari yabanje mu kibuga ejo hashize ku Cyumweru mu mukino wa shampiyona ikipe ye yatsinzwemo na Cape Town Spurs 2-0. Ubu iyi kipe iri ku mwanya wa 7 n'amanota 24, Mamelodi Sundowns ya mbere ifite 42.
Rwatubyaye Abdul - FC Shkupi
Rwatubyaye Abdul yabanje mu kibuga mu mukino w'umunsi wa 21 wa shampiyona y'icyiciro cya mbere muri Macedonia aho ikipe ye ejo ku Cyumweru TIKVESH 0-0. Ubu iyi kipe ni iya mbere n'amanota 43.
Rafael York - Gefle IF
Ntabwo byaraye bigenze neza aho batsinzwe 2-1 na Örebro muri "Svenska Cupen".
