Stade Amahoro imaze amezi 19 ivugururwa, imirimo yayo igeze hafi ku musozo kuko iya nyuma ari yo iri gukorwa amanywa n'ijoro. Nta gihindutse muri Gicurasi, izaba yarangiye ku buryo yabasha kwakira ibikorwa bimwe na bimwe.
Ugeze aho imirimo iri gukorerwa, umunsi ku wundi ibintu biba byabaye bishya. Umuyobozi ushinzwe kugenzura ibikorwa by'ubwubatsi muri Summa Rwanda, Ishimwe Abdul Aziz, yasobanuye ko imirimo igeze kuri 93% y'imirimo yose muri rusange.
