Kuri uyu wa gatandatu tariki ya 20 Mata 2024 ikipe y'ingabo z'igihugu inzwi nka APR FC yegukanye igikombe cya shampiyona y'icyiciro cya mbere mu Rwanda.
APR FC yegukanye Igikombe cya Shampiyona ya 2023/24, ibikora ku nshuro ya gatanu yikurikiranya.
Ni Igikombe cya 22 cya Shampiyona cyegukanywe n'Ikipe y'Ingabo z'Igihugu kuva ishinzwe mu 1993 mu gihe yatangiye gukina Shampiyona mu 1995.
Abafana b'ikipe ya APR FC bari babukereye kuri Sitade Kigali Pele Stadium bambaye imikenyero iri mu mabara y'umweru n'umukara nk'uko bisanzwe.
