Mu masaha y'igitondo cyo ku wa Mbere tariki ya 22 Mata 2024,nibwo aba bantu uko ari batatu barimo Bucyanayandi Evariste na Niyitegeka Etienne ndetse na Twizeyimana Emmanuel bagwiriwe n'ikirombe.
Gusa kuri uwo mugoroba ahagana ku saa kumi n'ebyiri nibwo uwitwa Bucyanayandi Evariste, we yakuwe mu kirombe ari muzima.
Meya w'Akarere ka Kamonyi, Dr Nahayo Sylvere yemereye IGIHE, ko uyu mugabo yakuwemo ari muzima ndetse abandi babiri bakomeje gushakishwa.
Ati 'Yego yakuwemo nimugoroba akiri muzima ajyanwa kwa muganga abandi babiri baracyashakishwa.'
Yaboneyeho kwihanganisha imiryango y'abaguye muri iki kirombe anaboneraho gusaba abakora ubucukuzi bw'amabuye y'agaciro kubahiriza amabwiriza agenga ubucukuzi.
Source : http://igihe.com/amakuru/u-rwanda/article/kamonyi-batatu-bagwiriwe-n-ikirombe
