Kuri iki cyumweru nibwo hasozwaga imikino y'umwaka w'imikino wa 2023-2024, ni umwaka wasojwe ikipe ya Manchester City yegukanye iki gikombe imaze gutsinda ikipe ya West Ham ibitego 3-1, mukeba wayo Arsenal nayo yashoboraga kwegukana igikombe yatsinze ikipe ya Everton ibitego 2-1.
Wari umu wa 38 wakinwe aho amakipe yose yakiniye umunsi umwe ndetse ku isaha imwe, ni imikino yatangiye ku isaha ya Saa Kumi n'imwe zo kuri iki cyumweru tariki ya 19 Gicurasi 2024.
Ikipe ya Manchester City niyo yatangiye neza aho ku munota wa 2 n'uwa 8 binyuze kuri rutahizamu wayo Phil Foden yari amaze gutsinda ibitego byombi, kuri West Ham yatsindiwe na Muhamed Kudus, icy'insinzi cya City cyatsinzwe na Rodri ubwo hari ku munota wa 59.
Arsenal bari bahataniye igikombe yatsindiwe na 
Takehiro Tomiyasu na Kai Havertz, kuri Everton yo yari yatsindiwe na Idrissa Gana Gueye.
Muri rusange iyi shampiyona yarangiye Man City yegukanye igikombe n'amanota 91, ikurikiwe na Arsenal ifite 89, Liverpool na 82, Aston Villa ku mwanya wa kane n'amanota 68.
Tottenham iri ku mwanya wa gatanu n'amanota 66, ikurikiwe na Chelsea ifite 63, mu gihe Newcastle na Manchester United zinganya 60.
Amakipe atatu ya nyuma yamanutse mu Cyiciro cya Kabiri ni Luton Town, Burnley na Sheffield United.
Muri English Premier League 2023-2024 yatangiye tariki ya 11 Kanama 2023 isozwa tariki ya 19 Gicurasi 2024 hakinwe imikino 380 habonekamo ibitego 1246, ibitego 26 byatsinzwe na Earling Braut Halland ukinira Manchester City.
Phil Foden ukinira Manchester City niwe watowe nk'umukinnyi mwiza w'umwaka w'imikino wose anatorwa n'ishyirahamwe ry'abanyamakuru bandika bo mu gihugu cy'u Bwongereza, Cole Palmer ukinira Chelsea atorwa nk'umukinnyi ukiri muto mwiza.
The post Manchester City yegukanye igikombe cya Shampiyona y'u Bwongereza, ibyaranze umwaka w'imikino wa English Premier League 2023-204 appeared first on RUSHYASHYA.
