Polisi y'igihugu yasohoye itangazo rimenyesha abatega Moto ko bazihanganira impinduka kuko hari amasaha zitazakora kuwa Mbere tariki 27 Gicurasi 2024.
Mu itangazo banyujije ku rubuga rwa X, Polisi yagize iti: 'Turamenyesha ko ejo ku wa 27 Gicurasi 2024 kuva saa mbiri n'igice (08h30) kugeza saa tanu n'igice (11h30), abakora umwuga wo gutwara abantu kuri moto bakorera mu mujyi wa Kigali bazaba bari mu nama kuri sitade Pele Nyamirambo.'
Polisi ikomeza igira inama abatega moto gushaka ubundi buryo. Iti: 'Abatega Moto baragirwa inama yo gutegura ingendo zabo mbere bagakoresha ubundi buryo bwo kugenda, muri ayo masaha yavuzwe.'
