Real Madrid 1-1 FC Bayern Munich

Uko umukino uri kugenda umunota ku munota:

88' Real Madrid ibonye igitego cyo kwishyura gitsinzwe na Joselu ku mupira waruhinduwe na Vinicius JuniorÂ

84' Thomas Tuchel nawe yongeye gukora impinduka mu kibuga havamo Jamali Musiala na Harry Kane hajyamo Thomas Muller na Choupo-Moting

80' Carlo Ancelotti yongeye gukora impinduka mu kibuga havamo Rodrigo na Valverde hajyamo Brahim Diaz na Joselu

79' Real Madrid iri kwiharira umupira gusa kubona aho yamenera ngo itsinde igitego nibyo byabaye ikibazoÂ

76' FC Bayern Munich ikoze impinduka mu kibuga havamo Leroy Sane hajyamo Kim Min JaeÂ

70' Real Madrid yaribonye igitego cyo kwishyura giturutse kuri Matthis de Ligt wari witsinze ariko umusifuzi avuga ko habayemo amakosa aracyangaÂ

69' Real Madrid ikoze impinduka mu kibuga havamo Aurelien Tchouaméni na Toni Kross hajyamo Eduardo Camavinga na Luka Modric

68' FC Bayern Munich ifunguye amazamu ku gitego gitsinzwe na Alphonso Davies uzamukanye umupira gake gake awuhawe na Harry Kane yinjira mu rubuga rw'amahina ahita arekura ishoti riragenda rinyeganyeza inshunduraÂ

65' Lunin wa Real Madrid nawe arayitabaye ku ishoti ryari rirekuwe na Jamali Musiala ariko arishyira muri koroneriÂ

59' Manuel Neuer akomeje kwerekana ko ari umwe mu banyezamu beza Isi yagize akuramo imipira iremereye,uwitwa Vinicius azamutse acenga agera imbere y'izamu arekura ishoti gusa uyu Mudage arishyira muri koroneriÂ

58' Real Madrid ibonye kufura nziza ku ikosa Konrad Laimer akoreye Jude Bellingham iterwa neza na Toni Kross gusa Manuel Neuer aratabara ayikuramoÂ

54' Rodrigo arase igitego cyabazwe ku mupira yarahawe na Vinicius Junior gusa anyujije umupira mu maguru ya myugariro,Eric Dier uragenda ukubita ku giti cy'izamuÂ

51' Vinicius Junior arimo arabona uko yinjirira ku ruhande ari kunyuraho rw'ibumoso gusa hakabura abantu ahereza umupiraÂ

48' FC Bayern Munich kuva igice cya kabiri cyatangira niyo iri guhererekanya umupira kurusha Real MadridÂ

46' Igice cya kabiri gitangiye Real Madrid isatira binyuze kuri Vinicius Junior winjiranye umupira mu rubuga rw'amahina gusa awuhaye Valverde ntiyawufatisha ngo awutereke mu izamuÂ

Igice cya mbere kirangiye amakipe yombi anganya 0-0(2-2)

45' Igice cya mbere cyongeweho umunota 1

39' Vinicius Junior arekuye ishoti riremeye ari inyuma y'urubuga rw'amahina gusa Manuel Neuer aratabara ashyira umupira muri koroneri itagize icyo itangaÂ

35' Vinicius acenze neza Joshua Kimmich yinjira mu rubuga rw'amahina gusa atinda gutera birangira nta cyo bitanze

30' Abakinnyi ba FC Bayern Munich barimo barakina bugarira cyane bityo bigatuma aba Real Madrid bibagora kwinjira mu rubuga rw'amahina rwabo

28' Rutahizamu wa FC Bayern Munich,Harry Kane arekuye ishoti riremeye gusa umunyezamu wa Real Madrid arishyira muri koroneri itagize icyo itanga

27' Umukinnyi wa FC Bayern Munich,Serge Gnabry agize ikibazo cy'imvune asimburwa na Alphonso DaviesÂ

25' Kugeza kuri ubu Real Madrid iri kwiharira umupira ku kigero cya 57% mu gihe FC Bayern Munich yo ari 43%

22' Real Madrid yongeye kurata uburyo ku mupira waruzamukanwe na Rodrigo ageze imbere y'izamu agiye kuwuha Vinicius Junior gusa ba myugariro ba FC Bayern baba maso bawukuraho

21' Ikipe ya FC Bayern Munich nayo itangiye gukina ihererekanya ishaka uko yarema uburyo yagera imbere rya Real MadridÂ

16' FC Bayern Munich ipfushije ubusa amahirwe yaribonye ku mupira wari wirukankanywe na Leroy Sane gusa ageze imbere y'izamu akina bya cyana arawutakaza

12'Real Madrid irase uburyo 2 bwari bwabazwe,uwitwa Vinicius Junior arekuye ishoti rikubita igiti cy'izamu umupira ugarukira Rodrigo agerageje gusongamo umunyezamu wa FC Bayern Munich aratabaraÂ

11' Ikipe ya Real Madrid ikomeje gukina yiharira umupira naho abakinnyi ba FC Bayern Munich bagacunga ko iwutakaza ngo iwirukankane igana mu izamu

7' Umukino utangiye gufata irangi,FC Bayern Munich nayo ibonye uburyo bwashoboraga guteza ibibazo ku mupira Serge Gnabry ahinduye imbere y'izamu gusa nahoÂ habura ukozaho ngo awushyire mu izamuÂ

5' Real Madrid irase uburyo bwa mbere buremereye ku mupira mwiza Dani Calvajar yayahinduye y'izamu habura umuntu ukozaho amenyo y'inkweto

3' Ikipe ya Real Madrid niyo irimo irahererekanya umupira gake gake ishaka uburyo ikurura abakinnyi ba FC Bayern Munich ngo ibone umwanya wo kwinjira mu rubuga rw'amahinaÂ

1'Umukino utangiye Real Madrid isatira ku mupira uzamukanywe na Vinicius Junior gusa ba myugariro ba FC Bayern Munich bashyira umupira muri koroneri itagize icyo ibyara

Abakinnyi 11 ba FC Bayern Munich babanje mu kibuga :

Neuer

Kimmich

De Ligt, Dier

Mazraoui

Laimer

Pavlović

Sané

Musiala

Gnabry

Kane

Abakinnyi 11 ba Real Madrid babanje mu kibuga:Â

Lunin

Carvajal

Rudiger

Nacho

Mendy

Tchouaméni

Kroos

Valverde

Bellingham

Rodrygo

ViniciusÂ

Umukino ubanza wahuje aya makipe yombi ukabera mu Budage kuri Allianz Arena wari warangiyeÂ anganyije ibitego 2-2.Â

Ni ibitego FC Bayern Munich yari yatsindiwe na Leroy Sane ku munota wa 53 ndetse na Harry Kane ku munota wa 57 mu gihe Real Madrid yo yari yatsindiwe na Vinicius Junior ku munota wa 24 no kuwa 83.

Uyu mukino birasa nkaho uhengamiye ku gutsinda kwa Real Madrid bitewe n'icyo imibare yerekana.

Imibare yerekana ko ikipe ya Real Madrid itari yatsindwa na FC Bayern Munich mu mikino 8 ya UEFA Champions League iheruka,yatsinzemo 6 banganyamo 2.

Real Madrid niramuka igeze ku mukino wa nyuma umutoza wayo ,Carlo Ancelotti araba inshuro ya 6 ahagaze mu gihe FC Bayern Munich yo iramutse ihageze umutoza wayo Thomas Tuchel yahita aba umutoza wa mbere ugeze ku mukino wa nyuma inshuro 3 mu makipe atandukanye.

Ikipe ya Real Madrid igiye gukina uyu mukino ishaka igikombe cya 15 cya UEFA Champions League mu gihe FC Bayern Munich yo irimo irashaka icya 7 yongera kuri 6 imaze gutwara.

Iyi kipe yo muri shampiyona y'icyiciro cya mbere muri Espagne igiye gukina uyu mukino nyuma y'quko yegukanye igikombe cya shampiyona mu gihe FC Bayern Munich yo byarangiye kubera ko cyamaze kwegukanwa na Bayern Leverkusen.